Bókvís ehf er sjálfstætt fyrirtæki í bókhaldsþjónusta í eigu Búnaðarsambands Eyjafjarðar. Unnið er bókhald fyrir bændur, einstaklinga og minni fyrirtæki. Þá sér Bókvís um bókhald fyrir Búnaðarsambandið og ýmis félög og stofnanir á sambandssvæðinu. Fastir starfsmenn eru að jafnaði 2-3 en auk þess er keypt vinna af BSE á álagstímum.
Árið 2009 var unnið virðisaukaskattsuppgjör fyrir um 80 bændur en í heild var unnið uppgjör og skattframtal fyrir um 125 bændur. Þá voru um 20-25 fyrirtæki og einstaklingar í tveggja mánaða uppgjöri auk þess sem Bókvís sér um launauppgjör fyrir all marga bændur og fyrirtæki.
Auk bókhaldsvinnu sinna starfsmenn Bókvís ýmsum tilfallandi störfum fyrir Búnaðarsambandið, s.s. vörusölu, tölvuvinnu, símavörslu og fleira. Aðstoð við samningagerð, jarðaskipti, stofnun einkahlutafélaga og fleira því tengt er all nokkur og vaxandi þáttur í starfseminni. Auk þess ráðgjöf í skattarétti og bókhaldi.
Fastir starfsmenn eru Jón Hlynur Sigurðsson og Þórður Gunnar Sigurjónsson og Hildur Aðalsteinsdóttir í 80% starfi.