20.02.2012
Búgarður - ráðgjafaþjónusta á Norðausturlandi stóð fyrir degi með hrossaræktarráðunaut á Akureyri sl. föstudag. Mikil og góð þátttaka var á þennan viðburð en um 40 manns tóku þátt. Dagskráin hófst kl. 10 og stóð til kl. 17:00. Byrjað á að fara yfir ýmsa þætti er varða mat á sköpulagi kynbótahrossa. Eftir fyrirlestur og myndasýningu var farið í að byggingardæma 6 hross og gátu þátttakendur borið sínar tölur saman við einkunnir ráðunautsins. Að sama skapi var tekin fyrir hæfileikadómur og var hrossunum riðið á kynbótavelli Léttis á Akureyri. Hópurinn lét ekki kalt veður og einstaka hríðarbylji aftra sér frá því að storma út á kynbótavöll til þess að hæfileikadæma en með sama lagi og fyrr voru hæfileikadómar yfirfarnir að dómum loknum yfir kaffisopa og vínarbrauði.
Þéttskipað í sæti á degi með hrossaræktarráðunaut
Guðlaugur Antonsson hrossaræktarráðunautur
Byggingadómur, Viðar Bragason á Björgum stillir upp hryssu.
Arnar Sigfússon og Anna Guðrún Grétarsdóttir í Fornhaga spá í spilin.